Il-futboler leġġendarju Cristiano Ronaldo se jkun qed iġib il-brand rinomata tiegħu tar-ristoranti TATEL f’Malta, hekk kif ir-ristorant mistenni jiftaħ il-bibien tiegħu f’Ġunju fil-bajja ta’ San Ġorġ.
Magħruf madwar id-dinja għall-kċina Mediterranja u Spanjola ta’ livell għoli, flimkien ma’ divertiment live u atmosfera vibranti ta’ nightlife, TATEL Malta mistenni jkun wieħed mill-aktar postijiet popolari tas-sajf fil-gżejjer Maltin.
Ir-ristorant, li huwa ko-proprjetà ta’ Ronaldo, diġà kiseb reputazzjoni internazzjonali b’postijiet f’ibliet ewlenin bħal Madrid, Ibiza, Dubai u Riyadh. Il-brand saret magħrufa bħala destinazzjoni favorita għal ċelebritajiet, atleti u dawk li jfittxu esperjenza ta’ lussu.
Il-ftuħ ta’ TATEL Malta huwa meqjus bħala pass importanti għax-xena tal-ospitalità u d-divertiment lokali, b’aspettattivi li l-brand internazzjonali se tattira kemm lill-Maltin kif ukoll lit-turisti barranin li qed ifittxu esperjenza Mediterranja esklussiva.
L-atmosfera eleganti, l-ikel raffinat u l-element ta’ divertiment live huma mistennija jagħmlu minn TATEL wieħed mill-aktar venues diskussi dan is-sajf f’Malta.
Facebook / TATEL Restaurants
