Ixxerja

Is-Soċjetà Filarmonika Pinto Banda San Sebastjan sellmet il-memorja ta' Pawlu Agius, eks-membru tal-kumitat tagħha, li ħalla din id-dinja fl-età ta' 78 sena.

Fi stqarrija tagħha, is-soċjetà fakkret kif għal diversi snin Pawlu kien direttur tal-logħob fil-Każin Pinto, fejn kien jorganizza tournaments tal-isnooker u attivitajiet oħra. Flimkien ma' Karmenu Schembri, magħruf bħala ċ-Ċenċulin, kien ukoll waqqaf tim tal-billiard u snooker li rrappreżenta lill-każin fl-Ewwel Diviżjoni u rebaħ ukoll it-Tazza l-Kbira.

Is-soċjetà rrakkontat ukoll kif Pawlu baqa' jattendi regolarment il-każin sa żmien riċenti, fejn kien għadu jiltaqa' mal-ħbieb u membri l-oħra. Fl-aħħar tal-messaġġ tagħha, is-Soċjetà Filarmonika Pinto Banda San Sebastjan esprimiet il-kondoljanzi tagħha lill-familja u lill-qraba ta' Pawlu Agius, filwaqt li wegħdet li se tibqa' tiftakru fit-talb tagħha.

Il-funeral tiegħu se jsir għada it-Tlieta 4 ta' Awwissu, fit-8:30 a.m. fil-Knisja Arċipretali ta' San Bastjan.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Fran Farrugia Tniedi Grupp Ta’ Sapport Għal Żgħażagħ Affettwati Mill-Kanċer

Eileen Cumbo Salerno Illum

Fran Farrugia ħabbret li se tkun qed tniedi grupp ta’ sapport għal persuni ta’ bejn il-25 u l-40 sena li qed jgħixu bil-kanċer, għaddew minnu jew qed jappoġġjaw lil xi ħadd għażiż matul il-vjaġġ tiegħu.Fi stqarrija fuq il-midja soċjali, Fran qalet li tixtieq toħloq spazju sigur u rilassat fejn in-nies jistgħu jitkellmu, jisimgħu u jaqsmu […]