Ixxerja

Hemm telfiet li jħallu vojt mhux biss fil-familja, iżda wkoll fil-komunitajiet li jkunu għamlu parti mill-ħajja ta’ persuna. Is-Soċjetà Filarmonika San Pietru Banda Birżebbuġa, tinsab f’mument ta’ niket wara li sellmet il-memorja ta’ Charlie Micallef.

Permezz ta’ messaġġ emozzjonanti, is-Soċjetà fakkret lil Charlie bħala persuna, li flimkien ma’ ħutu, dejjem kien ta’ sostenn kontinwu għall-għaqda. Għajnuna u appoġġ li żgur ħallew il-marka tagħhom tul is-snin u li mhux se jintesew minn dawk li kellhom il-privileġġ li jaħdmu magħhom.

Charlie kien ukoll ħu Simon Micallef, li jservi bħala President Onorarju tas-Soċjetà, kif ukoll ħu Marco, li bħalissa qed imexxi Bar 1990. Għalhekk, f’dan il-mument diffiċli, is-Soċjetà wasslet il-kondoljanzi sinċiera tagħha lill-familja, lill-qraba u lill-ħbieb kollha ta’ Charlie, filwaqt li talbet lil Alla jagħtih il-mistrieħ ta’ dejjem.Il-memorja tiegħu tibqa’ tgħix f’qalb dawk kollha li kienu jafuh u f’dawk li magħhom qasam parti minn ħajtu.

It-Tim ta' Gwida.mt jixtieq isellem il-memorja tiegħu u jalla jistrieħ fis-sliem!

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Lifestyle

Wirja Mill-Isbaħ Ta’ Għasafar Se Tlaqqa’ Lill-Familji Fil-Għargħur Fi Tmiem Din Il-Ġimgħa!

Matthea Grech Illum

Id-dinja kkulurita tal-għasafar se tkun fiċ-ċentru tal-attenzjoni fi tmiem din il-ġimgħa, għax il-Bird Breeders Association C.O.M. Malta qed tistieden lill-pubbliku għal wirja ornitoloġika li twiegħed esperjenza sabiħa għal żgħar u kbar.Il-wirja se toffri l-opportunità li wieħed jammira mijiet ta’ għasafar ta’ razez u kuluri differenti, filwaqt li japprezza wkoll il-ħidma u d-dedikazzjoni ta’ dawk li […]