Ixxerja

F’jum speċjali għall-Knisja Kattolika, illum ġiet iċċelebrata Quddiesa fil-Kappella tal-Lingwa tal-Anglo-Bavarja, fil-Konkatidral ta’ San Ġwann, li hija ddedikata lil San Karlu Borromeo.

Din iċ-ċelebrazzjoni saret proprju fil-festa ta’ dan il-qaddis, li ismu jibqa’ marbut mal-ħajja tal-Knisja u mal-fidi. Madankollu, din is-sena kien hemm sfida żgħira marbuta mal-ispazju, għax peress li l-kappella hija limitata fid-daqs tagħha, kellu jinstab mod kif dawk kollha li xtaqu jattendu jkunu jistgħu jipparteċipaw f’din il-Quddiesa.

Is-soluzzjoni nstabet billi nfetħet ukoll il-Kappella ta’ Provanza, li tinsab eżatt ħdejha. B’hekk, dawk preżenti setgħu jinġabru f’dan l-ispazju, filwaqt li ċ-ċelebrazzjoni liturġika saret fuq l-artal tal-Kappella Anglo-Bavarjana.

Mument li jfakkarna kif, lil hinn mill-kobor tal-ispazju, dak li tassew jgħaqqad lin-nies huwa t-twemmin u x-xewqa li jinġabru flimkien biex jiċċelebraw il-fidi tagħhom.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Lifestyle

“00:30 AM… Kien L-Aħħar Nifs Tiegħek Li Rajtek Tieħu, Wara Dik It-Tbatija Inġusta” – Iz-Ziju Ta’ AJ

Matthea Grech Illum

Hemm telfiet li lanqas iż-żmien ma jista’ jtaffi. Waħda minnhom hi, tal-familja ta’ AJ, li diġà għaddew sena mingħajru.F’messaġġ emozzjonanti, zijuh James fakkar, il-mument diffiċli tal-aħħar nifs tan-neputi tiegħu, iż-żmien li kellu jgħaddi minn tbatija kbira u l-vojt enormi li ħalla fil-qalb tal-familja tiegħu. “Għadni lanqas irrid nemmen li għaddiet sena sħiħa mingħajrek,” kiteb zijuh, […]