Ilbieraħ l-uffiċjali tal-konformità u l-infurzar tal-ERA salvaw fekruna fil-ħin waqt li kienu qegħdin xogħol fuq il-baħar.
Il-fekruna, li ngħatat l-isem ta’ Gabrielle, nstabet maqbuda f’borża kbira u bdiet tbati biex tgħum. L-uffiċjali tal-ERA ħadu azzjoni immedjata u infurmaw lil Wildlife Rescue Team Malta.
Minnufih ġiet eżaminata minn veterinarju u bdiet tieħu l-kura necessarja sabiex ma titlifx waħda mill-flippers.
Dejjem infurmaw lill-ERA u lil Wildlife Rescue Team f’sitwazzjonijiet bħal dawn, għax ħafna drabi tkun meħtieġa kura addizzjonali wara li jitneħħew l-għoqiedi.
ERA jiktbu, “Dan l-episodju jfakkarna biex ma narmux skart fil-baħar għax jista’ jikkawża ħsara kbira lill-ħajja marina tagħna. Grazzi kbira lill-uffiċjali tagħna u ta’ Wildlife Rescue Team.”
