L-istaġun tal-fkieren f’Malta beda uffiċjalment nhar it-Tnejn, 9 ta’ Ġunju, meta nstabet l-ewwel bejta fil-Bajja ta’ Ġnejna.
Il-bejta tal-fkieren ġiet osservata mid-diviżjoni tat-Tindif waqt xogħlijiet fuq il-bajja. Malli nstabet din ġiet irrappurtata lil Nature Trust Malta (NTM-FEE), li hija sponsorjata mill-Awtorità tal-Ambjent u r-Riżorsi (ERA) biex twettaq salvataġġ u riabilitazzjoni madwar il-gżejjer Maltin.
Dalgħodu ERA ħabbru fuq il-paġna ta’ Facebook li nstabet it-tieni bejta għas-sena 2025.
“It-tieni bejta tal-2025 instabet fil-Bajja tal-Għadira! Wara li daħal rapport ta’ bejta ġdida, l-ERA u Nature Trust – FEE Malta marru immedjatament fuq il-post biex jipproteġu ż-żona. Grazzi lill-voluntiera tan-nature trust li sabu l-bejta u ħadu azzjoni.”
Dawn huma d-dettalji fejn għandek tagħmel kuntatt f’każ li tara xi speċi jew bejta oħra. B’dan il-mod ikun hemm il-protezzjoni li hemm bżonn.
- ERA: 2292 3500
- Nature Trust Malta:9999 9505
