Paul, missier Roderick Sciortino, ġie intervistat fuq Times of Malta fejn spjega li minkejja li qed jingħad li ibnu kellu tumur, dan mhuwiex minnu.
Hu spjega, “Ilbieraħ qabel ma ntfew il-magni tat-tifel, ta’ Roderick, daħħluna ġo kamra t-tobba ħa jispjegawlna x’ġara u ma ġarax, għax dan sarulu żewġ testijiet. Wieħed ħareġ li kellu xi daqqa ġo rasu iva, u t-tieni wieħed ħareġ li m’hemmx… kif taqbad tgħidha?… Li m’hemmx fejqan għalih li jerġa’ jiġi, li riedu jintfew il-magni. Apparti minn hekk, it-tobba qalulna mard ma kellu xejn. Infatti t-tobba stess talbuna l-organi tiegħu biex forsi jsalvaw ħajja ta’ persuna oħra.”
Żied jgħid, “Bl-ilsien kulħadd jgħid li jrid. Issa bħal ma jgħid il-Malti, il-mejjet mal-mejjet, il-ħaj mal-ħaj. Imma għall-mejjet, għal ibni, hemm jien, ommu, ħutu, qraba tiegħu, ħa naqbżu għalih aħna biex min qal dan il-kliem, noħorġu l-verità minnu.”
Jistrieħ fis-sliem u l-paċi. Kondoljanzi lill-familjari u ħbieb tiegħu.
Facebook / Times of Malta
