Ixxerja

Il-mużiċist u kantant Malti Ivan Grech se jkun il-mistieden speċjali tas-semi-finali tal-Malta Eurovision Song Contest 2026, li se jsir nhar il-15 ta’ Jannar fl-MFCC, Ta’ Qali.

Dan l-avveniment se jkun okkażjoni speċjali għal dawk kollha li jħobbu l-mużika Maltija, hekk kif Ivan Grech se jitla’ fuq il-palk biex jippreżenta kanzunetta ġdida fjamanta għall-ewwel darba live quddiem udjenza nazzjonali. Mument li żgur se jkun wieħed memorabbli f’din l-edizzjoni tal-MESC.

Magħruf għall-istil uniku tiegħu u għall-kontribut qawwi li ta lill-mużika alternattiva Maltija, Ivan Grech jibqa’ figura rispettata u maħbuba fix-xena mużikali lokali. Il-preżenza tiegħu fis-semi-finali tkompli ssaħħaħ ir-reputazzjoni tal-MESC bħala pjattaforma li tiċċelebra kemm talent ġdid kif ukoll artisti stabbiliti.

L-organizzaturi qed jiddeskrivu din il-prestazzjoni bħala waħda li ma tridx tintilef u qed iħeġġu lill-pubbliku sabiex jattendi jew isegwi s-serata biex ikun parti minn dan il-mument tant speċjali. 

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“Awguri F’Għeluq Snin It-Tifla Sabiħa Tagħna Sarah” – Omm Sarah Bonnici B’Messaġġ T’Awgurju

Gabriella Borg Ilbieraħ

Il-kantanta lokali Sarah Bonnici, li żgur mhijiex wiċċ ġdid għall-qarrejja tagħna tal-Gwida, illum qed tiċċelebra jum għeluq sninha. Ommha l-għażiża, Evelyn Bonnici, kitbitilha messaġġ mill-qalb fuq il-paġna tagħha biex tawguralha f’din il-ġurnata speċjali. Hi kitbet, “Awguri f’għeluq snin it-tifla sabiħa tagħna Sarah. Aħna nħobbuk.” Hi ppubblikat ukoll xi ftit ritratti ħelwin tagħhom mgħannqin flimkien, ritratti […]