Ixxerja

Wieħed mill-mistiedna tal-programm TVAM kien Dr Charles Mallia Azzopardi, il-Kap tat-Taqsima tal-Mard Infettiv. Hu spjega li mill-istudji li ħarġu s’issa, jidher li min hu mlaqqam bil-vaċċin kontra l-Covid-19 jekk jiltaqa’ mal-virus, u l-virus jimxi fuqu, hu xorta jista’ jgħaddi l-virus lil ħaddieħor.

Ovvjament, Dr Charles Mallia Azzopardi spjega li ċ-ċans li dan jiġri huwa anqas iżda l-possibiltà xorta qiegħda hemm. B’hekk hu importanti li nkomplu nimxu mal-mezzi ta’ mitigazzjoni, ikomplu jintlibsu l-maskri u nieħdu kull prekawzjoni possibbli.

Waqt l-intervista tiegħu hu qal ukoll li grazzi għall-vaċċin, iċ-ċans li wieħed jimrad bil-Covid-19 jonqos għall-inqas minn 5% meta jiġu f’kuntatt dirett mal-virus.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Artikli Ricenti

“Hi Tibqa’ Tgħix Għal Dejjem Fil-Mużika Tiegħi” – Kevin Borg B’Kanzunetta Ġdida Bil-Malti Ddedikata Lil Ommu

Eileen Cumbo Salerno Ilbieraħ

Fuq il-programm Niskata, Kevin Borg fetaħ qalbu u qasam mas-segwaċi tiegħu li bħalissa jinsab fil-proċess li joħloq kanzunetta ġdida bil-Malti bid-differenza li mhijiex waħda ordinarja.Din id-darba, il-proġett tiegħu għandu tifsira personali ħafna, hekk kif se jkun dedikat lill-għażiża ommu li tilef meta kellu biss sittax-il sena. B’messaġġ emozzjonali, Kevin stqarr: “Ma tgħaddix minuta li ma naħsibx fiha kuljum. Hi […]