Ixxerja

Il-kantanta lokali u ambaxxatriċi għal Malta fil-Eurovision 2025, Miriana Conte, ġiet konfermata li se terġa’ titla’ fuq il-palk tal-Eurovision Song Contest fil-Finali fi Vienna, pass ieħor importanti fil-karriera tagħha li qed tkompli tikber b’mod kontinwu fix-xena mużikali.

Ir-ritorn tagħha jasal wara suċċess sinifikanti, inkluż ir-rilaxx tal-mini album OVERSTIMULATED, li laħaq aktar minn 13.6 miljun streams fuq Spotify.

Barra minn hekk, il-verżjoni ċċensurata tas-single Serving ġabret 8.7 miljun streams, u b’hekk it-total riċenti tagħha jaqbeż it-22.3 miljun streams fuq l-istess pjattaforma.

Miriana ġiet mistiedna lura bħala waħda mill-atti ikoni għas-70 anniversarju tal-Eurovision Song Contest, fejn se tieħu sehem f’interval act speċjali waqt il-finali.

Hija ddeskriviet din l-opportunità bħala unur kbir, speċjalment peress li se tkun qed tipparteċipa f’waħda mill-akbar iljieli mużikali fl-Ewropa.

L-udjenza qed tistenna prestazzjoni memorabbli, u possibilment interpretazzjoni oħra ta’ Serving, hekk kif il-kantanta tkompli ssaħħaħ isimha fix-xena internazzjonali.

Prosit u Awguri Miriana!

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Spettaklu

Żewġ Kantanti Maltin B’Suċċess Kbir Ġewwa L-Estonja!

Kyle Zarb Ilbieraħ

Nixtiequ nawguraw lil Aidan Borg u lil Audrey Schembri tas-suċċess li kisbu ġewwa l-Estonja fil-festival Tallinn Voice. Huma kisbu riżultati brillanti fejn ċertament jinsabu kburin. Aidan jikteb, “Ninsab eċitat ħafna li naqsam ir-riżultati tal-Konkors Internazzjonali tal-Mużika Tallinn Voice! Ninsab onorat immens li nħabbar li ġejt: L-Ewwel Post – fil-Kategorija tal-Pop & Jazz. L-Ewwel Post – […]