Il-paġna ta’ Innocent Paws, kitbet dwar l-istorja ta’ qsim ta’ qalb ta’ Ian, kelb ta’ ħames snin li kellu jgħaddi minn ħafna tbatija u din għadha tirrifletti fid-dehra tiegħu.
Mill-perspettiva ta’ dan il-kelb, fuq il-paġna kitbu, “Forsi wiċċi mhux l-isbaħ. Kull naħa ma taqbilx perfettament. Partijiet minn widnejja ntilfu, il-ħajja mhux dejjem kienet qalbha tajba miegħi. Xi kultant inzappap ftit minħabba ġrieħi antiki. Imma qalbi? L-iktar sinċiera li qatt se ssib.”
Żiedu jiktbu, “Jien għaddejt mill-iktar żminijiet diffiċli, imma l-karattru tiegħi baqa’ ħelu. Jien ġentili, faċli, ma nsaqsix għal ħafna. Ma nġorrx rabja miegħi. Ma nġorrx biża’. Inġorr biss imħabba.”
Komplew jispjegaw, “Tħallux id-dehra tiegħi tiddeċiedi l-futur tiegħi. Ħarsu lejn qalbi minflok. Jien għadni nistenna għad-dar ta’ dejjem tiegħi.”
Facebook / Innocent Paws – Maria D’Amato
