Ixxerja

Id-Dipartiment tal-Protezzjoni Ċivili għadu kif ħabbar fuq il-midja soċjali li lbieraħ filgħaxija rritorna f'pajjiżna qawwi u sħiħ l-ewwel kontinġent ta' pumpiera Maltin li xi ġimgħat ilu ntbagħat barra minn xtutna sabiex jgħin fit-tifi ta' nirien kbar li bħalissa qed jaħkmu nħawi differenti fil-Portugall.

Ritratti li ttelgħu mill-Protezzjoni Ċivili dalgħodu juru lill-pumpiera jiġu milqugħin fl-Ajruport Internazzjonali ta' Malta mill-familjari u l-ħbieb. Uħud mill-pumpiera ġew saħansitra milqugħin mill-annimali tagħhom li tant iħobbu u li żgur ħassew ferm in-nuqqas tagħhom matul din il-ħidma li wettqu barra minn pajjiżna.

"Matul din l-esperjenza, il-pumpiera Maltin assistew lill-kollegi tagħhom Portugiżi filwaqt li wrew bil-fatti l-impenn ta' pajjiżna sabiex tissaħħaħ is-solidarjetà u l-kooperazzjoni Ewropea," spjega d-Dipartiment tal-Protezzjoni Ċivili dalgħodu fi stqarrija.

Dawn il-pumpiera Maltin issa mistennija jkomplu bil-ħidma tagħhom f'pajjiżna b'iżjed kuraġġ minn qatt qabel.

Prosit lil dawn il-pumpiera tal-kuraġġ u l-qlubija tagħhom!

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

“Illum Tagħlaq 7 Snin… Kemm Indum Ħajja Se Nibqgħu Nħobbuk U Nappoġjawk F’Kollox” – Il-Ġenituri Ta’ Faith

Cristian Tonna Illum

Illum iċ-ċkejkna Faith tagħlaq 7 snin. Faith ilha għal dawn l-aħħar snin isservi ta’ ispirazzjoni għal bosta fuq il-midja soċjali minħabba r-reżiljenza u d-determinazzjoni li hi dejjem turi minkejja l-kundizzjoni tad-down syndrome.F’jum għeluq sninha, il-ġenituri tagħha fissru fuq il-midja soċjali kemm huma kburin b’binthom u ddeskrivewha bħala “l-iżjed tisfira pura u ġenwina li għandha ħajjithom”.Il-ġenituri […]