Ixxerja

Matul dawn l-aħħar sigħat, il-programm ta' diskussjoni AWLA qanqal dibattitu fuq il-midja soċjali dwar jekk għandhomx jibqgħu jsiru l-after parties wara l-festi li jsiru fix-xhur tas-sajf fl-irħula u l-bliet Maltin.

Id-dibattitu wassal għal opinjonijiet diversi hekk kif is-suġġett tal-after parties huwa wieħed kontroversjali għal ħafna.

Dawk li huma favur l-after parties isostnu li dan huwa mod sabiħ kif iċ-ċelebrazzjonijiet tal-festi jiġu estiżi u b'hekk il-ferħ u l-għaqda li din it-tradizzjoni Maltija ġġib magħha titgawda min-nies għal iżjed ħin.

Min-naħa 'l oħra, dawk li huma kontra jargumentaw li l-after parties jiddevjaw mill-għan fundamentali tal-festi Maltin u konsegwentament itellfu mill-attenzjoni li għandha tingħata lejn aspetti tal-festa bħall-marċijiet. Huma jsostnu wkoll li ħafna drabi, dawn l-after parties iwasslu għal imġieba mhux xierqa li tkun ta' detriment, b'mod speċjali, għar-residenti tal-lokalità.

Intom x'inhi l-fehma tagħkom dwar dan?

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Artikli Ricenti

“Parti Kbira Mill-Għelieqi Ta’ Madwaru Ġew Meħuda Minn Żewġ Grawnds Żgħar Tal-Futbol … Parti Oħra Tal-Għelieqi Ġew…

Charlton Cefai Illum

Għal darb’ oħra, permezz ta’ kitba fuq il-paġna tagħhom, Kappa Vision taw ftit informazzjoni dwar post li jinsab f’Malta, din id-darba razzett fuq l-art tal-Universita.Qalu, “Dan ir-razzett, li jinsab fuq art tal-Università, sa ftit żmien ilu kien għadu mdawwar bl-għelieqi. Bl-iżvilupp tal-kumpless tal-Pixxina Nazzjonali, parti kbira mill-għelieqi ta’ madwaru ġew meħuda minn żewġ grawnds żgħar […]