Peppi Azzopardi dejjem jibqa’ magħruf bħala dak il-bniedem li dejjem ħa tarah jappoġġja lis-sewwa u minkejja t-titli u l-kritika bl-addoċċ li jirċievi, ser jgħid l-affarijiet kif inhuma.
Fil-ħsieb li qasam fuq il-profil tiegħu ftit ilu, Peppi għal darb’oħra jurina kemm hu kburi li kien hemm għall-minoranza. Ixerred ritratti li jeħduna lura snin ilu waqt Gay Pride – fejn Peppi flimkien ma’ martu Mandy kienu jattendu bi ħġarhom ħa juru l-appoġġ tagħhom lejn persuni omosesswali.
“Kburi li ħafna snin ilu, meta fil-Gay Pride kien ikun hemm mhux aktar minn 40 ruħ, Mandy u jien konna nkunu dejjem hemm. Kemm kienu jgħajruni għax kont niddefendi lil ħutna persuni omosesswali, eżatt kif jgħajruni llum meta niddefendi lil ħutna immigranti.” Fil-fatt Peppi jinkludi f’dan il-messaġġ ir-rispett u l-appoġġ li għandu lejn l-immigranti.
U inti? Taħseb li l-mentalità fis-soċjetà Maltija għad tagħmel progress? Qed tara xi progress meta tħares madwarek?
John McRae Photography & Studio
