Ixxerja

Il-preżentatur Twanny Scerri li nisimgħu l-vuċi tiegħu filgħodu fuq Calypso FM ifakkar li llum kien jagħlaq sninu l-kantant Joe Cutajar.

Hu jikteb, “Kieku baqa’ ħaj illum kien jiċċelebra għeluq sninu Joe Cutajar.” Għandu bosta memorji sbieħ tiegħu fosthom ta’ meta preżentah f’diversi avvenimenti.

Żgur li lkoll nibqgħu niftakruh bħala wieħed mill-ewwel ambaxxaturi ta’ Malta fil-Eurovision Song Contest, meta fl-1972 kien irrappreżenta lil Malta f’dan il-konkors flimkien ma’ Helen Micallef permezz tal-kanzunetta L-Imħabba.

Waħda mill-aħħar drabi li rajnieh fuq palk maestuż kien proprju fl-ewwel edizzjoni ta’ Mużika Mużika fejn kanta l-kanzunetta Dejjem Għal Xulxin, flimkien mal-kantanta bravissima Michela Galea. Il-kanzunetta Dejjem Għal Xulxin hija waħda mill-kanzunetti li l-kantant baqa’ magħruf għalihom tul is-snin. 

Rajnieh ukoll fil-Malta Eurovision 2022 meta kanta mill-ġdid L-Imħabba flimkien ma’ Helen.

Għal dejjem f’qalbna Joe. Awguri fil-Ġenna.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Artikli Ricenti

“Hi Tibqa’ Tgħix Għal Dejjem Fil-Mużika Tiegħi” – Kevin Borg B’Kanzunetta Ġdida Bil-Malti Ddedikata Lil Ommu

Eileen Cumbo Salerno Ilbieraħ

Fuq il-programm Niskata, Kevin Borg fetaħ qalbu u qasam mas-segwaċi tiegħu li bħalissa jinsab fil-proċess li joħloq kanzunetta ġdida bil-Malti bid-differenza li mhijiex waħda ordinarja. Din id-darba, il-proġett tiegħu għandu tifsira personali ħafna, hekk kif se jkun dedikat lill-għażiża ommu li tilef meta kellu biss sittax-il sena. B’messaġġ emozzjonali, Kevin stqarr: “Ma tgħaddix minuta li ma naħsibx fiha kuljum. […]