Ixxerja

Maria Mallia tiċċelebra hekk kif ġiet ippremjata bl-unur “Most Dedicated”, għall-impenn kbir tagħha lejn l-isport tan-netball.

Permezz ta’ messaġġ fuq il-midja soċjali, Maria qalet li tinsab grata u onorata ħafna li rċeviet dan ir-rikonoxximent, filwaqt li rringrazzjat lill-kowċis tagħha Ramona Vassallo u Christine Grima għall-fiduċja u l-appoġġ tagħhom.

Hija qalet li ma kinitx dejjem faċli żżomm mal-isport li tħobb, hekk kif kien hemm żminijiet fejn iċ-ċirkostanzi tal-ħajja ppruvaw iwaqqfuha milli tkompli tilgħab. Madankollu, Maria qatt ma qatgħet qalbha u n-netball baqa’ dejjem parti importanti minn ħajjitha.

Dan l-istaġun kien wieħed speċjali wkoll għax it-tim tagħha, All Ages Netball Club, kiseb promozzjoni għall-1st Division. Maria rringrazzjat lil sħabha tat-tim talli saru bħal familja waħda u talli qasmu magħha dawn il-mumenti.

Minbarra l-irwol tagħha bħala plejer, Maria esprimiet ukoll il-ferħ tagħha li ngħatat l-opportunità tikkowċja lill-plejers żgħażagħ tan-nursery u tara l-progress tagħhom.

Hija temmet billi rringrazzjat lill-familja tagħha, lil Elton Paksu u lil Cataleya, għall-appoġġ kontinwu tagħhom matul dan il-vjaġġ mimli passjoni u dedikazzjoni.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

Gabriella Maria Scicluna Tħalli Impressjoni F’Lourdes, Bil-Kant Tal-“Ave Maria” Bil-Malti

Matthea Grech Illum

Mument ta’ emozzjoni u kburija baqa’ mnaqqax fil-qalb tal-familja Scicluna waqt il-pellegrinaġġ tagħhom f’Lourdes, meta binthom kellha l-unur tkanta l-“Ave Maria” f’Lourdes bil-lingwa Maltija.Din kienet esperjenza speċjali mhux biss għaliha, iżda wkoll għal dawk kollha preżenti, hekk kif il-vuċi tagħha wasslet messaġġ ta’ fidi u tama f’wieħed mill-aktar santwarji magħrufa fid-dinja Kattolika.Matul iż-żjara tagħha f’Lourdes, […]