Ixxerja

Ilbieraħ ħarġet l-aħbar li sfortunatament fl-età ta' 102 ħalla din id-dinja Brother Edward Galea. Fuq medda ta' madwar 80 sena, Brother Edward għallem eluf ta' studenti f'De La Salle.

Ftit sigħat ilu, il-preżentatur lokali Fabian Demicoli tella' filmat fuq il-midja soċjali fejn fih il-Brother jidher qed jagħti dik li x'aktarx kienet l-aħħar intervista tiegħu waqt il-programm 'Aħbar Tajba'. L-intervista jidher li kienet saritlu lura f'Ġunju tal-2024.

Fabian stqarr li għalih din l-intervista kienet waħda emozzjonanti għaliex hu kien ilu jammira lil Brother Edward minn meta kellu biss 5 snin. "Nibqgħu għal dejjem midjuna miegħek, Brother, għas-servizz li tajt kif ukoll għat-tjubija u l-impatt li ħallejt fuq bosta ħajjiet," kiteb Fabian lill-mibki Brother Edward Galea.

Fl-intervista l-Brother jitkellem dwar is-sigriet sabiex wieħed jgħix ħajja daqstant twila u serena. "Jiena kull filgħodu nqum nirringrazzja lill-Bambin u lill-Madonna talli tawni lejl tajjeb... spiss ukoll qabel ma norqod inkellem lil San Ġużepp ukoll... nitlobhom sabiex ikunu miegħi matul il-lejl ħalli għada nkun nista' nkompli nkun persuna aħjar," kien sostna Brother Edward.

Strieħ fis-sliem, Brother Edward.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Dalgħodu Ngħatat L-Aħħar Tislima Kelly – It-Tfajla Ta’ 18-Il Sena Li Tilfet Ħajjitha Wara Inċident F’Ħal Qormi

Cristian Tonna Illum

Dalgħodu, mat-tokki tal-għaxra ta’ filgħodu, fil-Bażilika ta’ Kristu Re f’Raħal Ġdid bdiet tingħata l-aħħar tislima lil Kelly Caruana; it-tfajla ta’ 18-il sena li ħalliet din id-dinja ftit jiem ilu wara li sfat vittma ta’ inċident tat-traffiku f’Ħal Qormi.Bosta li rreaġixxew għall-aħbar li ħalliet din id-dinja daqstant kmieni tkellmu dwar il-passjoni li Kelly kellha għall-jiem tal-Karnival. […]