Ixxerja

João Marinho Neto, rikonoxxut bħala l-iktar raġel anzjan ħaj fid-dinja, għamel ġest mill-isbaħ għal Ethel Caterham (l-iktar mara anzjana fid-dinja) hekk kif din iċċelebrat għeluq il-117-il sena tagħha.

João, li għandu 113-il sena, ħejja kartolina speċjali għal Ethel biex jawguralha f’dan il-jum tant speċjali.Ethel irringrazzjat lil dawk kollha li bagħtulha x-xewqat sbieħ u qalet li minkejja li għandha 117-il sena, din is-sena xorta waħda esperjenzat diversi affarijiet għall-ewwel darba. Fosthom semmiet li messet lama u saħansitra żammet id ir-Re.

Hija kompliet tgħid li tinsab ħerqana biex tara x’se ġġib magħha s-sena li jmiss. Min-naħa tiegħu, João se jagħlaq 114-il sena fil-5 ta’ Ottubru. Huwa jemmen li s-sigriet wara l-ħajja twila tiegħu huwa li dejjem kellu lill-għeżież tiegħu qrib tiegħu u għex ħajtu mdawwar b’nies twajba.

Bla dubju nistgħu ngħidu li dan kien mument storiku tassew sabiħ bejn żewġ persuni mimlija għerf u esperjenza, li bejniethom għandhom xejn inqas minn 230 sena!  

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Il-Kantanta Mia Lanzon Toħroġ L-Ewwel Kanzunetta Tagħha Wara S-Suċċess Li Kisbet F’The Voice Kids

Cristian Tonna Illum

Wara s-suċċess li kisbet fit-tieni staġun ta’ The Voice Kids billi rnexxielha tasal sal-fażi finali tal-kompetizzjoni, il-kantanta żagħżugħa Mia Lanzon issa għadha kif ħarġet l-ewwel kanzunetta tagħha li ġġib l-isem ‘Forevermore’. Il-kanzunetta, li hi miktuba u prodotta minn Mia stess bil-għajnuna ta’ Gillian Attard kif ukoll Cyprian Cassar, iġġorr messaġġ importanti u pożittiv; tkun kemm […]