Antonella Galea Loffreda qasmet messaġġ mill-aktar emozzjonanti sabiex tawgura għeluq snin it-tajjeb lil żewġha, Joseph Galea. F’messaġġ mimli mħabba u apprezzament, Antonella bdiet billi qalet li l-ewwel kelma li tiġi f’moħħha meta taħseb fih hija "grazzi", filwaqt li rringrazzjatu talli dejjem ikun hemm għaliha, għal binthom u għal kull min ikollu bżonnu.
Hija ddeskriviet lil Joseph bħala l-persuna li ġġib il-bilanċ tant meħtieġ fil-familja tagħhom, u qalet li l-isbaħ mumenti ta’ ħajjitha huma dawk li taqsam miegħu, kemm dawk sempliċi kif ukoll dawk l-aktar speċjali. Fl-awgurju tagħha, Antonella xtaqitlu aktar saħħa u entużjażmu lejn il-ħajja, filwaqt li esprimiet it-tama li hu jibqa’ jsib fiha u fl-għeżież tiegħu l-istess sostenn u mħabba li huma jsibu fih.
Hija għalqet il-messaġġ tagħha billi sejħitlu "il-pilastru tagħna" u kitbitlu, "Awguri, għażiż tiegħi. Inħobbok bla qies." Minn naħa tagħna f’Gwida.mt, ningħaqdu ma’ dawn l-awgurji u nawguraw lil Joseph Galea għeluq snin mill-isbaħ, mimli saħħa, ferħ u mumenti sbieħ mal-għeżież tiegħu.
Facebook / Antonella Galea Loffreda
