Ixxerja

Din il-qattusa ħelwa ta’ tmien ġimgħat bl-isem ta’ Lexy qed tfittex id-dar tagħha fejn tkun tista’ tikber, tilgħab u tagħti l-imħabba kollha li għandha x’toffri.

Lexy hija qattusa griża tat-tip ‘tabby’ b’personalità kbira u ħafna enerġija pożittiva. Skont CSAF, hija estremament soċjevoli kemm man-nies kif ukoll ma’ qtates oħra, u tħobb tqatta’ l-ġranet  tagħha ddur, tilgħab u tiskopri affarijiet ġodda.

“Jekk hemm ġugarell viċin tagħha, Lexy ssibu. U jekk ma jkunx hemm, probabbilment tivvintah hi,” qalet l-organizzazzjoni.Minħabba n-natura attiva tagħha, Lexy għandha bżonn dar fejn ikun hemm tal-anqas qattus ieħor jew qattus żgħir taħt sena li jkun jista’ jilgħab magħha kuljum. Hija tħobb tiġri, tilgħab, titħabat u tifraħ ma’ sħabha l-annimali l-oħra.

CSAF qalet li Lexy dalwaqt tkun lesta għall-adozzjoni u qed tittama li ssib familja li tagħtiha l-imħabba u l-kura li jixirqilha.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

L-Imqabba Tħejji Rekord Nazzjonali Ġdid Fil-Piroteknika

Eileen Cumbo Salerno Illum

Illum waranofsinhar, it-tim ta’ The Malta Records kien mistieden fl-għelieqi tal-Imqabba biex isir l-għadd u l-kejl uffiċjali ta’ rekord relatat mal-piroteknika. Ir-rekord jikkonsisti fl-ikbar tapit tan-nar tal-art li qatt inħadem f’Malta, bl-akbar numru ta’ universals. Skont l-organizzaturi, dan ir-rekord nazzjonali mistenni jinħaraq waqt l-għeluq tal-ispettaklu tan-nar tal-ajru lejlet il-festa tal-Madonna tal-Ġilju, organizzata mill-Għaqda tan-Nar Madonna tal-Ġilju fi ħdan […]