Il-paġna ta’ Facebook tal-Wildlife Rescue Team Malta tkellmet dwar il-proċess delikat u d-diversi stadji ta’ meta fekruna tbid il-bajd qabel ma jfaqqsu.
“Meta l-fkieren nisa jaslu fuq ix-xatt biex ibidu bejta, il-proċess jinvolvi numru ta’ fażijiet differenti,” huma kitbu.
“Fażi 1: Ħruġ mill-baħar u titkaxkar ‘il fuq max-xatt sakemm issib post li taħseb li hu tajjeb;
Fażi 2: Tħaffir ta’ ħofra. Hawnhekk il-fekruna tħaffer u ċċaqlaq ir-ramel niexef tal-wiċċ sakemm tilħaq ir-ramel niedi;
Fażi 3: Tħaffir tal-bejta. Hawnhekk il-fekruna tuża x-xewk ta’ wara tagħha biex tħaffer ir-ramel u tipproduċi post fejn jistgħu jiġu depożitati l-bajd;
Fażi 4: Depożitu tal-bajd. Matul din il-fażi l-fekruna tiddepożita medja ta’ 80-120 bajda;
Fażi 5: Tgħatti l-bejta. Matul dan iż-żmien, il-fekruna tuża x-xewk ta’ wara tagħha biex tgħatti l-bejta, u x-xewk ta’ quddiem biex titfa’ r-ramel lura biex taħbi fejn tinsab il-bejta;
Fażi 6: Ritorn lejn il-baħar.”
“Hawn taħt hawn vidjo meħud fit-18 ta’ Ġunju 2025 b’kamera termali, li juri l-Fażi 5 għall-fekruna Johanna.”
“Ix-xiri ta’ din il-kamera kien possibbli grazzi għal proġett appoġġjat mill-Ministeru għal Għawdex u l-iskema tal-NGOs tal-Ippjanar, programm ta’ finanzjament għal Organizzazzjonijiet Volontarji fil-gżira ta’ Għawdex.”
Facebook / Wildlife Rescue Team Malta
