Ixxerja

Ħaddiema tal-Protezzjoni Ċivili (CPD), flimkien mal-Fire Section tal-Ajruport Internazzjonali ta’ Malta, ġew imsejħa biex jintervjenu wara li nqabad nar f’bini li għadu qed jinbena fi SkyParks 2, f’Luqa.

Bħala miżura ta’ prekawzjoni, il-binjiet tal-madwar ġew evakwati sabiex tiġi żgurata s-sigurtà ta’ dawk kollha fl-inħawi. Il-ħaddiema tat-tifi tan-nar irnexxielhom jikkontrollaw in-nirien, filwaqt li bħalissa għaddejjin operazzjonijiet ta’ ventilazzjoni biex jitneħħa d-duħħan u jiġi żgurat li ż-żona tkun sigura.

Skont l-informazzjoni pprovduta, ma ġew irrappurtati l-ebda ġrieħi waqt l-inċident.

Fuq il-post baqgħu jaħdmu membri Protezzjoni Ċivili minn Fire Stations 1, 3, 4 u 5, flimkien mal-Emergency Department ta’ Mater Dei Hospital, il-Korp tal-Pulizija ta’ Malta u Transport Malta.

L-awtoritajiet qed ikomplu jissorveljaw is-sit u aktar aġġornamenti mistennija jinħarġu permezz tal-kanali uffiċjali tal-Protezzjoni Ċivili ta’ Malta.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Issa

Xadina B’Xufftejn Oranġjo Kkonfermata Bħala Speċi Ġdida Wara Snin Ta’ Misteru

Matthea Grech Illum

Ix-xjenza kompliet tiskopri aktar meravilji tan-natura wara li ġiet ikkonfermata speċi ġdida ta’ xadina li kienet qed tinħeba fil-foresti densi tar-Repubblika Demokratika tal-Kongo.Dak li jagħmel lil din ix-xadina speċjali huma x-xufftejn tagħha ta’ lewn roża-oranġjo, karatteristika unika li tiddistingwiha minn ħafna speċi oħra ta’ xadini. Apparti minn hekk, simili għal xi xadini oħra, għandha wiċċha […]