Il-kantanta Kelly Marie Cassar Hili qasmet messaġġ mill-qalb f’għeluq snin missierha, fejn irringrazzjatu għall-imħabba, is-sagrifiċċji u l-appoġġ li dejjem sabu mingħandu.
"Awguri mill-qalb, Missier! Grazzi ta’ dak kollu li tagħmel magħna, ta’ kull tgħanniqa, ta’ kull twissija, ta’ kull argument, imma fuq kollox, tal-imħabba bla qies li dejjem urejtna," kitbet Kelly.
Hija kompliet tirringrazzjah talli dejjem kien hemm għall-familja tiegħu, kemm fil-mumenti sbieħ kif ukoll f’dawk aktar diffiċli. Kelly sostniet li minkejja li forsi mhux dejjem jgħidulu biżżejjed, huma japprezzaw kull sagrifiċċju u kull ħaġa, kbira jew żgħira, li jagħmel għalihom.
Fil-messaġġ tagħha ma naqasx ukoll ftit umoriżmu, hekk kif semmiet kemm missierha dejjem jagħmel minn kollox biex jarahom komdi u ma jonqoshom xejn. "Inħobbuk ħafna u nittamaw li llum tkun taf kemm int importanti għalina. Awguri, Pa!" temmet tgħid Kelly.
Messaġġ tassew ħelu li juri r-rabta sabiħa li Kelly u l-familja tagħha għandhom ma’ missierhom. F’isem it-tim ta’ Gwida.mt, nawgurawlu l-isbaħ xewqat f’għeluq sninu!
Facebook / Kelly Marie Cassar Hili
