Ixxerja

Wara li ħafna staqsew jekk Pina hix se tibqa’ magħha, Christa Cilia kkonfermat li l-kelba li salvat se jibqa’ parti minn ħajjitha. “Iva. Pina qiegħda hawn biex tibqa’,” kitbet Christa fuq il-midja soċjali, filwaqt li spjegat li wara t-trawma li għaddiet minnha Pina, qatt ma ħasbet li terġa’ tgħaddiha minn esperjenza diffiċli oħra.

Christa rrakkuntat kif mill-ewwel mument li salvatha ħasset rabta speċjali magħha. Hija fakkret il-mument emozzjonanti meta finalment żammitha f’idejha għall-ewwel darba, mingħajr ma kienet taf jekk kinitx se tgħix.

Minkejja l-isfidi kollha, Pina rnexxielha tirkupra u minn dakinhar ’l hawn kibret rabta qawwija bejnha u Christa. “Jiena l-persuna tagħha, u hi tafha. Mill-mod kif tħares lejja nifhem kollox. Il-fiduċja, l-imħabba u r-rabta li bnejna flimkien huma xi ħaġa tassew speċjali,” stqarret.

Illum, Christa tgħid li Pina daħlet f’qalbha u li bejniethom inbniet relazzjoni mimlija fiduċja u mħabba. “Ma nistax nimmaġina ħajti mingħajrha,” temmet tgħid Christa.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Kburija Bil-Mara Żagħżugħa Li Sirt” – Graziella Arding B’Messaġġ Mimli Mħabba Lil Bintha Alaizah

Emil Calleja Bayliss Illum

Graziella Arding ċċelebrat għeluq il-21 sena ta’ bintha Alaizah permezz ta’ messaġġ emozzjonanti li qasmet fuq il-midja soċjali. Fil-messaġġ tagħha, Graziella ddeskriviet din il-ġurnata bħala pass importanti ħafna fil-ħajja ta’ bintha u qalet kemm hi kburija bil-mara żagħżugħa li saret illum. Hija stqarret li matul is-snin, Alaizah ġabet ħafna mħabba, ferħ u kuntentizza f’ħajjitha, filwaqt […]