Qormi F.C. tinsab imnikkta bit-telfa ta’ Manuel Agius, magħruf b’affezzjoni bħala "Lis-Stilla", eks plejer tal-klabb u partitarju leali li għal snin twal baqa’ qrib it-tim u l-kuluri sofor u suwed li tant kien iħobb.
F’messaġġ ta’ niket fuq il-midja soċjali, Qormi F.C. sellmet il-memorja ta’ Manuel u fakkret fil-konnessjoni speċjali li kellu mal-klabb. Minkejja li ma baqax jilgħab, Manuel baqa’ dejjem qrib Qormi F.C., isegwi lit-tim u jżomm f’qalbu l-kuluri li jirrappreżentaw il-klabb.
“Lis-Stilla” kien meqjus bħala partitarju leali, u t-telfa tiegħu ħalliet vojt fost dawk kollha li kienu jafuh u li qasmu miegħu l-imħabba lejn Qormi F.C.
F’isem il-President, il-Kumitat, il-plejers u l-familja kollha ta’ Qormi F.C., il-klabb wassal il-kondoljanzi sinċieri tiegħu lill-familja u lill-ħbieb ta’ Manuel f’dan il-mument ta’ niket.
“Grazzi ta’ dak kollu li tajt lil Qormi F.C. Strieħ fis-sliem, Stilla," - kitbu bħala sinjal ta' gratitudni u ringrazzjament. Strieħ fis-sliem Manuel.
