Il-Kunsill Lokali ta’ Birkirkara ħabbar fuq il-paġna tiegħu xogħol li sar fil-lokalita` biex tissebbaħ. Dan ġie spjegat fuq il-paġna uffiċjali tagħhom flimkien ma’ ritratti li juru din il-bidla.
Kitbu, “Hekk kif bdejna ġimgħa oħra, nixtiequ naqsmu magħkom dawn ir-ritratti li juru t-tisbiħ li sar fiż-żona ta’ Triq Mannarino. Biex inkomplu nagħtu dehra aktar sabiħa u milqugħa lil din iż-żona, ħawwilna pjanti ġodda, filwaqt li sar xogħol ta’ zebgħa u tikħil sabiex insebbħu l-ambjent għar-residenti u l-viżitaturi.”
Żiedu jgħidu, “Din il-ħidma hija xhieda tal-impenn kontinwu tal-Kunsill, li baqa’ jaħdem b’dedikazzjoni u jkompli jwettaq il-proġetti tiegħu għax għalina, il-prijorità dejjem tibqa’ li nkomplu ntejbu l-lokalità tagħna.”
Facebook / Il-Kunsill Lokali ta’ Birkirkara
