Ixxerja

Kevin Paul qasam aħbar li qanqlet ħafna entużjażmu fost is-segwaċi tiegħu, hekk kif ħabbar li se jkun qed jiftaħ kunċert tal-BBC Concert Orchestra li se jsir f’pajjiżna fl-4 ta’ Lulju.

F’messaġġ emozzjonanti fuq il-midja soċjali, Kevin stqarr kemm iħossu onorat b’din l-opportunità unika. “Mhux ta’ kuljum li tista’ tgħid li ħa tiftaħ għall-BBC Concert Orchestra… imma fl-4 ta’ Lulju, onorat li se nkun qed nagħmel proprju hekk!” kiteb.

Huwa żied li dan il-mument għandu tifsira speċjali għalih mhux biss fuq livell personali, iżda wkoll għall-promozzjoni tal-lingwa Maltija fuq pjattaforma internazzjonali. “Se nsemmgħu l-lingwa Maltija fuq il-palk tal-BBC. Ħolma sabiħa,” qal Kevin.

L-aħbar ġiet milqugħa b’entużjażmu, hekk kif bosta esprimew li huma kburin li artist Malti se jkun qed iwassal il-lingwa u l-kultura tagħna fuq palk prestiġjuż. Din bla dubju hija kisba importanti għal Kevin Paul, li se jkollu l-opportunità li jaqsam il-palk ma’ dawn il-mużiċisti internazzjonali.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Spettaklu

L-Istilla Taljana Tal-Jazz Francesco Cavestri Se Jtella’ Kunċert Fit-Teatru Manoel – Ħerqana Għalih?

Emil Calleja Bayliss 17 ta' Ġunju, 2026

Wieħed mill-aktar talenti promettenti fix-xena Ewropea tal-jazz, Francesco Cavestri, se jkun qed jagħti kunċert speċjali fit-Teatru Manoel nhar il-Ħadd 28 ta’ Ġunju fit-20:00. L-avveniment qed jiġi organizzat mit-Teatru Manoel flimkien mal-Istitut Kulturali Taljan u l-Ambaxxata Taljana f’Malta, u se joffri lill-udjenza Maltija serata ta’ jazz kontemporanju minn artist li qed jagħmel isem għalih madwar l-Ewropa. […]