Ixxerja

Tħabbret il-mewt tal-attriċi Skoċċiża Phyllida Law, omm l-attriċi magħrufa Emma Thompson. Law mietet fl-età ta’ 94 sena wara karriera twila li mifruxa fuq madwar tmien deċennji fit-teatru, it-televiżjoni u ċ-ċinema.

Il-manager tagħha Jacky Leggo kkonfermat l-aħbar u qalet li Law mietet b’mod mill-aktar paċifiku fid-dar tagħha, imdawra mill-familja kollha tagħha. Law twieldet fi Glasgow fl-1932 u studjat fil-Bristol Old Vic Theatre School. Għall-ewwel kienet biħsiebha tidħol fid-disinn għat-teatru, iżda eventwalment sabet postha fuq il-palk. Matul is-snin ħadmet f’għadd kbir ta’ produzzjonijiet teatrali, films u sensiliet televiżivi.

Fost il-films li tibqa’ magħrufa għalihom insibu Peter’s Friends, Much Ado About Nothing, Emma u The Winter Guest. F’diversi okkażjonijiet kellha wkoll iċ-ċans taħdem ma’ wliedha, l-attriċi Emma Thompson u Sophie Thompson.

Matul il-karriera tagħha dehret ukoll fi produzzjonijiet bħal The Time Machine, Miss Potter, Albert Nobbs u A Little Chaos, filwaqt li fuq it-televiżjoni ħadmet f’sensiliet fosthom Foyle’s War, Doc Martin u Rosemary & Thyme. L-aħħar dehra tagħha fuq l-iskrin kienet fil-film Then Came You fl-2020.

Fl-2014, Phyllida Law ingħatat l-OBE għas-servizz tagħha lid-drama u għall-ħidma tagħha f’kawżi ta’ karità. Law kienet miżżewġa lill-attur Eric Thompson mill-1957 sal-mewt tiegħu fl-1982. Hi tibqa’ mfakkra mhux biss għall-kontribut tagħha fid-dinja tar-reċtar, iżda wkoll bħala parti minn familja li ħalliet marka importanti fix-xena artistika Brittanika. Strieħ fis-sliem.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Jinġabru €7,240 Għal Puttinu Cares B’Tifkira Ta’ Frank Schembri

Eileen Cumbo Salerno Illum

Il-familja, ħbieb, kollegi u impjegati ta’ Frank Schembri għażlu li jfakkru l-memorja tiegħu b’ġest sabiħ ta’ donazzjoni li jista’ jkun t’għajnuna għal ħaddieħor.Is-somma sabiħa ta’ €7,240 inġabret b’risq Puttinu Cares b’tifkira ta’ Frank Schembri, iċ-Chairman ta’ F Schembri Group, li ħalliena fil-5 ta’ Awwissu li għadda. Kienu l-kollegi, l-impjegati, il-familja u l-ħbieb tiegħu li ġabru […]