Ixxerja

Filmati ta’ sewqan perikoluż kapaċi jħallu lil wieħed bla kliem, speċjalment meta dak li jidher fit-triq jista’ faċilment iwassal għal konsegwenzi ferm agħar.

F’filmat li qasam fuq il-paġna tiegħu Gerald Fenech, jidher sewwieq fiż-żona tar-roundabout tax-Xgħajra jsuq b’mod estremament perikoluż. Il-filmat juri lill-karozza ddur mar-roundabout b’mod aggressiv, filwaqt li s-sewwieq jidher jagħfas sew fuq il-gass.

F’mument partikolari, il-karozza tispiċċa tolqot xi struttura tal-ħadid qrib it-tarf tal-bankina, b’ħoss qawwi li jinstema’ ċar fil-filmat. Minkejja dan, il-karozza tkompli miexja u s-sewwieq jibqa’ jagħfas fuq il-gass, bil-vettura tidher tkompli tissarraf fit-triq.

Ix-xeni qed iqajmu tħassib dwar kemm sewqan ta’ dan it-tip jista’ jkun ta’ periklu mhux biss għas-sewwieq innifsu, iżda wkoll għal persuni oħra li jkunu fit-triq.

Għalhekk, importanti ferm biex ma nkunux aħna stess li nikkawżaw aċċidenti minħabba sewqan bl-addoċċ, u speċjalment jekk tixrob, issuqx!

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

“L-Atleta Li Darba Kien Joħlom Li Jiġri 69 Minuta, Illum M’Għadux L-Istess Atleta” – Dillon Cassar

Matthea Grech Illum

L-atleta Malti Dillon Cassar, qasam ħsibijiet sinċieri wara tellieqa li ma marritx kif xtaq, iżda li fl-istess ħin ġiegħlitu jirrifletti fuq kemm irnexxielu jikseb.Dillon spjega, li l-aktar li ddiżappuntah ma kienx ir-riżultat innifsu, iżda l-fatt li fil-jiem ta’ qabel it-tellieqa, kien qed ibati minn mard. Minkejja dan, ma qatax qalbu u ddeċieda li jitla’ fuq […]