Il-kantant popolari u artist lokali AIDAN, li dan l-aħħar tella’ l-kunċert tiegħu u imbagħad rajnieh ukoll fi spettaklu spettakolari fil-Farsons Beer Festival, qed iqatta’ ftit ħin barra minn Malta f’esperjenza ta’ volontarjat fit-Tajlandja.
Fuq il-midja soċjali tiegħu, AIDAN qal, “Xortija tajba li qiegħed nqatta’ l-ħin nagħmel volontarjat mal-iljunfanti salvati fit-Tajlandja. Wieħed mill-isbaħ u l-aktar esperjenzi li ma ninsa qatt f’ħajti!”
Din l-inizjattiva turi naħa aktar personali u sensittiva tal-artist, hekk kif jagħżel li joffri l-ħin tiegħu biex jgħin fil-kura u r-riabilitazzjoni ta’ dawn l-annimali maestużi. L-esperjenza qed titqies bħala waħda li tibqa’ f’qalbu għal dejjem, u tfakkarna wkoll fl-importanza tal-konservazzjoni u l-ġid tal-annimali.
Wara suċċess wara l-ieħor fuq il-palk Malti, jidher li AIDAN qed ikompli jispira mhux biss permezz tal-mużika tiegħu, imma wkoll permezz tal-attitudni tiegħu lil hinn mill-palk.
