Ixxerja

Il-qassis u kantant Malti Awstraljan Fr Rob Galea ħabbar li kmieni dalgħodu faqqgħu nirien fil-knisja parrokkjali tiegħu, St Kilian's Church, f’Victoria, l-Awstralja.

F’messaġġ li qasam fuq il-midja soċjali, Fr Rob iddeskriva l-inċident bħala jum diffiċli għall-komunità parrokkjali tiegħu, iżda esprima s-serħan il-moħħ li ħadd ma weġġa’. "Kien jum diffiċli għall-parroċċa tagħna. Kmieni dalgħodu faqqgħu nirien fil-Knisja ta’ St Kilian, iżda b’xorti tajba kulħadd jinsab tajjeb u l-ħsara ġiet limitata għas-sagristija," kiteb.

Huwa appella wkoll lil dawk li jsegwuh biex jiftakru fil-komunità parrokkjali fit-talb tagħhom. "Jekk jogħġobkom żommu lill-komunità parrokkjali tagħna fit-talb tagħkom," temm jgħid, filwaqt li akkumpanja l-messaġġ b’emoji tat-talb.

Sa issa ma ngħatawx aktar dettalji dwar x’wassal għan-nirien, iżda jidher li l-intervent rapidu tal-awtoritajiet evita li l-ħsara tinfirex għal partijiet oħra tal-knisja.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Kważi Nofs Miljun Ewro F’Xogħlijiet Ta’ Riġenerazzjoni Fi Tliet Toroq Fil-Ħamrun

Emil Calleja Bayliss Illum

Tliet toroq fil-Ħamrun qed jingħataw wiċċ ġdid permezz ta’ investiment ta’ kważi nofs miljun ewro minn fuq ix-xogħlijiet tad-Dipartiment tax-Xogħlijiet Pubbliċi. Il-proġett jinkludi xogħlijiet fi Triq Atoċja, Triq id-Duka ta’ Edinburgh u passaġġ fi Triq San Franġisk, fejn qed isiru interventi fuq is-servizzi tal-ilma, bażi ġdida tal-konkos rinfurzat u paviment ġdid aktar reżistenti.Waqt żjara fuq […]