Ixxerja

Il-belt Għawdxija tinsab kburija, hekk kif waqt it-tielet edizzjoni tal-Gozo International Puppet Festival kisbet rekord li żgur se jibqa’ mfakkar.

Il-protagonista ta’ dan il-mument kienet balena ġganteska tal-pupazz, b’tul impressjonanti ta’ 11.6-il metru, li ġiet uffiċjalment rikonoxxuta bħala rekord għall-festival. Spettaklu bħal dan mhux biss jiġbed l-għajn, iżda juri wkoll kemm il-kreattività, is-sengħa u l-ħidma f’tim jistgħu joħolqu affarijiet tassew straordinarji. Il-balena saret simbolu tal-maġija li tista’ tinħoloq permezz tal-pupazzi, filwaqt li ġabet magħha sens ta’ għaġeb u ferħ għal dawk li kellhom l-opportunità jarawha.

Dan il-festival ġab flimkien artisti u kreattività minn pajjiżi differenti, u jżewwaq lil Għawdex b’wirjiet, spettaklu u esperjenzi kulturali għall-familji u għall-pubbliku, kif ukoll fit-tielet edizzjoni tiegħu, kompla juri kif l-arti tal-pupazzi tista’ tgħaqqad nies minn kulturi differenti.

B'hekk, il-balena mhijiex biss rekord, iżda xhieda tal-immaġinazzjoni u d-dedikazzjoni wara dan l-avveniment uniku.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

Ħaż-Żebbuġ Jagħti Ġieħ Lil Tliet Personaġġi Li Ħallew Marka Fil-Letteratura Maltija – L-MP Malcolm Paul Agius Galea

Matthea Grech Illum

Kienet ġimgħa partikolari għal Ħaż-Żebbuġ, hekk kif il-Każin ta’ San Ġużepp u Banda De Rohan temmew sensiela ta’ tliet serati ddedikati lil tliet personaġġi Żebbuġin li taw kontribut importanti lix-xena letterarja lokali.Il-Membru Parlamentari, Malcolm Paul Agius Galea qasam messaġġ dwar din l-attività, li fiha ngħata ġieħ lil tliet ismijiet li jibqgħu marbuta mal-letteratura u l-kultura […]