Ixxerja

Is-Segretarju Parlamentari Alicia Bugeja Said qed tiċċelebra ġurnata tassew speċjali flimkien ma’ żewġha Malcolm, hekk kif illum jaħbat il-ħames anniversarju miż-żwieġ tagħhom. Għal din l-okkażjoni, Alicia qasmet messaġġ qasir iżda mimli mħabba fuq il-midja soċjali, fejn irringrazzjat lil żewġha għall-imħabba tiegħu tul dawn is-snin.

“5 snin miżżewġin. Grazzi tal-imħabba tiegħek, Malcolm,” kitbet Alicia fid-dedikazzjoni tagħha. Dan l-anniversarju jasal fi żmien aktar speċjali għall-koppja, hekk kif ftit jiem ilu laqgħu fid-dinja t-tieni tifla tagħhom. Alicia u Malcolm issa huma ġenituri ta’ żewġt ibniet, u għalhekk qed jiċċelebraw dan il-pass importanti fiż-żwieġ tagħhom hekk kif il-familja tagħhom għadha kemm kompliet tikber.

Ħames snin wara li qalu “iva” lil xulxin, il-koppja għandha ħafna għal xiex tkun grata, b’familja ta’ erbgħa u kapitlu ġdid li għadu kemm beda għalihom. Minn Gwida, nawguraw lil Alicia u Malcolm l-isbaħ xewqat f’dan il-ħames anniversarju taż-żwieġ tagħhom u aktar snin sbieħ flimkien mal-familja tagħhom!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Gossip

“Il-Ħajja Għallmitni Li L-Gratitudni Ma Tiswa Xejn, Iżda Hi Waħda Mill-Akbar Rigali Li Nistgħu Nagħtu… Inħobbkom…

Kyle Zarb Illum

Il-kantant lokali William Mangion Mascoli esprima l-gratitudni profonda tiegħu lejn dawk kollha li fakkruh f’għeluq sninu u bagħtulu xewqat sbieħ.Hu jirringrazzja lil kull min bagħatlu xewqat ta’ għeluq is-sena, kliem ta’ apprezzament u messaġġi mimlijin affezzjoni, u qal li l-imħabba u l-appoġġ li jirċievi jfissru għalih aktar milli jistgħu jesprimu l-kliem.Irrikonoxxa wkoll li x-xewqat baqgħu […]