Ixxerja

Ira Losco lbieraħ fuq instagram qasmet storja li nisslitilna tbissima u jidher li kien tort tagħna tal-Gwida. Ħafna snin ilu, qabel Ira marret għall-Eurovision Song Contest l-ewwel darba, kienet għamlet il-parti ta’ Santa Rita ta’ Cascia. Dan kien musical miktub mill-bravu Ray Mahoney fuq kompożizzjoni ta’ Mro Dominic Galea.

L-istorja tmur lura għas-sena 2000, bħala parti mill-promozzjoni ta’ dan il-musical, ir-rivista tagħna kienet ħarġet ritratt f’nofs il-Gwida ta’ Ira Losco libsa ta’ Santa Rita. Jidher li xi anzjani ħasbu li l-Gwida dakinhar ħarġet ritratt ta’ din il-qaddisa u b’hekk ħadu dan ir-ritratt u tefgħuh fi gwarniġġ b’xemgħa quddiemu.

Ħabib ta’ Ira Losco u membru tal-band Tiara, mar iżur xi qarib tiegħu f’dar tal-anzjani u jara lil Ira Losco bix-xemgħa quddiemha. Nistgħu nimmaġinaw li kien ħa jmut bid-daħk meta nduna x’ġara eżatt. Jidher li Ira kienet daħlet tassew fil-parti li permezz ta’ ritratt irnexxielha tikkonvinċi lil dawn l-anzjani li hi Santa Rita.

Aħna fittixna daqsxejn u sibna xi siltiet minn dan il-musical. Insomma, qabel ma’ Ira Losco saret popolari u kellha mijiet u eluf ta’ segwaċi, li żgur mhux forsi waħħlu l-posters tagħha fuq il-ħitan, kienet spiċċat b’ammiraturi differenti.

Facebook / Ira Losco

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Artikli Ricenti

“Il-Bżulija U L-Impenn Huma L-Fatturi Ewlenin Tal-Ħidma Tagħna Bħala Poplu” – James Aaron Ellul

Charlton Cefai Ilbieraħ

Permezz ta’ kitba fuq il-paġna tiegħu, l-preżentatur James Aaron Ellul qasam messaġġ tal-okkażjoni proprju f’Jum il-Ħaddiem.Hu qal, “Il-bżulija u l-impenn. Kburi tal-valuri li welled missieri fija. Il-ħanut tal-fajjenza ta’ “Ellul tal-Furjana”, fost il-ħafna tifkiriet, din hija t-tifsira li ntih.”Żied, “Il-bżulija u l-impenn ta’ ommi, li qatt ma tħallset, imma l-ħidma tagħha kienet sfieqa mhux ftit […]