Ixxerja

Il-Kantant tal-Grupp Maneskin, Damian David għadu kif ippropona lill-maħbuba tiegħu Dove Cameron.

Il-koppja ħadet dan il-pass importanti fir-relazzjoni tagħhom wara kważi sentejn flimkien, relazzjoni li bdiet b’mod diskret fl-2022. Dak li beda bħala ħbiberija fl-industrija tal-mużika, bil-mod il-mod evolva f’relazzjoni romantika li mal-ewwel ġibdet l-attenzjoni tal-pubbliku.

B’messaġġ qasir iżda profond, Damiano qanqal reazzjoni qawwija fuq il-midja soċjali wara li qasam sensiela ta’ ritratti intimi u romantiċi akkumpanjati bil-kliem: “Se tkun sena mill-isbaħ.”

Fir-ritratti, Damiano jidher f’mument ta’ mħabba u qrubija mal-partner tiegħu, b’dettall li ma setax jgħaddi inosservat – iċ-ċurkett tal-għerusija li jidher f’subgħajn Cameron li minnufih qajjem spekulazzjoni fost is-segwaċi li tant kienu ilhom jistennew dan il-mument.

L-aħbar qanqlet reazzjoni kbira onlajn, b’eluf ta’ segwaċi u anke ċelebritajiet oħra jesprimu x-xewqat sbieħ u  jibagħtu l-awguri tagħhom lil din il-koppja maħbuba li għadha kif bdiet kapitlu ġdid mimli tama u mħabba.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Malta Tikteb L-Istorja Fir-Rugby Bi Promozzjoni Storika Għar-Rugby Europe Trophy

Emil Calleja Bayliss Illum

Storja ġdida nkitbet għall-isport Malti hekk kif it-tim nazzjonali tar-rugby kiseb promozzjoni storika għar-Rugby Europe Trophy wara rebħa dominanti ta’ 39-13 kontra l-Awstrija fil-grawnd nazzjonali ta’ Ta’ Qali. Appoġġjati minn folla entużjasta ta’ partitarji Maltin, it-tim nazzjonali ta wirja impressjonanti mill-bidu sal-aħħar f’logħba li kienet meqjusa bħala waħda mill-aktar importanti fl-istorja tar-rugby Malti. Din kienet […]