Ixxerja

Ritratt li qed idur fuq il-midja soċjali qed ifakkar lil ħafna Maltin kif kienet tidher Spinola Bay madwar 75 sena ilu, meta San Ġiljan kien għadu villaġġ kwiet tas-sajjieda. Dan bla dubju qajjem sens qawwi ta’ nostalġija ta’ Malta lura fl-imgħoddi.

Filwaqt li llum San Ġiljan huwa magħruf għall-ħajja ta’ billejl, lukandi u ristoranti li jattiraw eluf ta’ nies, dan ir-ritratt jurina realtà kompletament differenti – waħda ferm aktar kwieta u sempliċi. F’dak iż-żmien, Spinola Bay kienet qalb komunità tas-sajjieda, mimlija dgħajjes tradizzjonali Maltin li kienu jbaħħru kuljum għall-qabda tal-ħut. Madwar il-bajja kien hemm ftit djar u bini baxx, ferm differenti mill-binjiet moderni li nsibu illum.

Ir-ritratt ifakkarna wkoll kemm Malta nbidlet matul is-snin, kemm fl-iżvilupp urban kif ukoll fl-istil ta’ ħajja tan-nies. Dak li xi darba kien raħal żgħir ħdejn il-baħar illum sar wieħed mill-aktar postijiet vibranti fil-pajjiż.

Madankollu, minkejja dawn il-bidliet kollha, Spinola Bay għadha waħda mill-aktar veduti emblematiċi ta’ Malta u tibqa’ ġġorr magħha memorji u storja li ħafna Maltin jibqgħu jgħożżu.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Artikli Ricenti

Ġuvnott Skaliż Joħloq Ktejjeb Ta’ Kuraġġ Biex Jgħin Lil Puttinu Cares

Eileen Cumbo Salerno Illum

Żjara sabiħa u ta’ ispirazzjoni saret lis-Sindku ta’ Marsaskala Mario Calleja, meta ltaqa’ ma’ ġuvnott Skaliż li diġà qed jagħmel differenza fil-komunità. Il-ġuvnott, bl-isem ta’ Neil Demarco, ħoloq il-ktejjeb bil-Malti “Ispirazzjoni – Ġabra ta’ Stejjer ta’ Kuraġġ”, li jiġbor fih stejjer ta’ individwi li għaddew minn tbatija jew sfidi relatati ma’ kundizzjonijiet differenti fil-ħajja tagħhom.Dan il-ktieb mhux […]