Ixxerja

Il-kantanta Maltija Miriana Conte qed tkompli tespandi l-karriera tagħha fuq livell internazzjonali hekk kif ħadet sehem f’kanzunetta ġdida flimkien ma’ żewġ artisti barranin magħrufa. Il-kanzunetta, bl-isem PARÉA, ġiet rilaxxata f’nofsillejl u hija kollaborazzjoni ma’ Evangelia Psarakis, magħrufa artistikament bħala Evangelia, u Petra Gavalas, li tuża l-isem Kiki.

Evangelia hija artista ma’ Sony Music u diġà kellha suċċess internazzjonali b’tours fir-Renju Unit, l-Istati Uniti u l-Awstralja, filwaqt li ppruvat ukoll tirrappreżenta lill-Greċja fil-Eurovision Song Contest. Min-naħa tagħha, Kiki, kantanta Griega-Finlandiża, għandha repertorju mużikali estensiv u kienet ukoll fost dawk li ppruvaw jirrappreżentaw lil Finlandja fil-Eurovision Song Contest 2026. Il-kanzunetta tagħha Rakkaudenkipee kisbet popolarità kbira fost il-partitarji tal-Eurovision.

View this post on Instagram

A post shared by EVANGELÍA (@evangelia)

PARÉA tgħaqqad l-istili differenti tat-tliet artisti f’kanzunetta waħda dinamika, u huwa mistenni li aktar tard illum jinħareġ ukoll visualiser uffiċjali biex jakkumpanja r-rilaxx. Din il-kollaborazzjoni tkompli tikkonferma l-preżenza dejjem tikber ta’ Miriana Conte fix-xena mużikali internazzjonali.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Spettaklu

AIDAN B’Mawra Rekord F’12-il Pajjiż – Ittemm Il-Promozzjoni Internazzjonali Għall-Eurovision

Emil Calleja Bayliss Illum

AIDAN għalaq uffiċjalment mawra internazzjonali impressjonanti li matulha żar 12-il pajjiż differenti bħala parti mill-promozzjoni tiegħu għall-Eurovision Song Contest. B’dan, huwa kiser rekord personali u sar wieħed mill-aktar artisti Maltin li qatt wettaq kampanja promozzjonali estensiva ta’ dan it-tip. Il-vjaġġ tiegħu wasslu f’diversi pajjiżi fosthom l-Awstralja, l-Awstrija, in-Norveġja, l-Iżvezja, l-Albanija, il-Bulgarija, Ċipru, il-Greċja, ir-Rumanija, ir-Renju […]