Ixxerja

Il-kompożitur, preżentatur u edukatur Andrew Zahra qasam mument tassew sabiħ u sinifikanti waqt attività organizzata fl-Iskola tal-Gżira għall-Ġimgħa tal-Ktieb. Zahra ħa miegħu lill-għażiż missieru, li wara karriera twila fl-edukazzjoni, reġa’ sab ruħu mdawwar bit-tfal – din id-darba biex jaqralhom stejjer bil-Malti.

“Ħadt lil missieri jaqra lit-tfal bil-Malti… wara karriera twila fl-edukazzjoni reġa’ spiċċa mdawwar bit-tfal ġurnata sħiħa,” kiteb Andrew Zahra, filwaqt li esprima l-ferħ tiegħu għal din l-esperjenza.

L-inizjattiva kienet parti minn attivitajiet li jippromwovu l-qari u l-lingwa Maltija fost it-tfal, u dan il-mument speċjali wera kif l-imħabba għall-edukazzjoni tibqa’ tgħix minn ġenerazzjoni għall-oħra.

Ejjew nagħmlu sforz aħna lkoll sabiex inżommu l-lingwa tagħna ħajja u nkomplu nużawha bl-aħjar mod possibbli.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

7 Studenti Joħolqu Katina Tal-Ganċ Ta’ 504 Metri – Rekord Nazzjonali Ġdid

Emil Calleja Bayliss Illum

L-Iskola Primarja Dun Karm Psaila f’Ħaż-Żebbuġ kitbet isimha fil-ktieb tar-rekords hekk kif stabbiliet rekord nazzjonali ġdid fil-gżejjer Maltin. Dan wara li seba’ studenti tal-primarja rnexxielhom joħolqu l-itwal katina tal-ganċ fl-inqas ħin, b’tul impressjonanti ta’ 504 metri li tlestiet f’8 sigħat u 24 minuta biss. Ir-rekord ġie rikonoxxut minn The Malta Records, li kienu mistiedna mill-iskola […]