Id-Dipartiment tal-Protezzjoni Ċivili ħabbar li bħalissa għaddejja operazzjoni ta’ emerġenza wara li qabad nar industrijali fl-impjant tal-Wasteserv fil-Magħtab.
Fi stqarrija uffiċjali, il-Protezzjoni Ċivili qalet li s-sitwazzjoni qed tiġi mmonitorjata mill-qrib mill-awtoritajiet relevanti filwaqt li l-ħaddiema tal-emerġenza qed jaħdmu biex jikkontrollaw in-nirien.
Bħala prekawzjoni minħabba d-duħħan u r-riħa qawwija fl-inħawi, residenti li jgħixu fil-lokalitajiet ta’ Buġibba, San Pawl il-Baħar, is-Salini u l-Qawra ġew avżati biex iżommu t-twieqi u l-bibien magħluqa.
Il-pubbliku qed jiġi mħeġġeġ ukoll biex isegwi l-istruzzjonijiet kollha maħruġa mis-servizzi tal-emerġenza u mill-awtoritajiet lokali. Aktar aġġornamenti mistennija jitħabbru permezz tal-kanali uffiċjali tal-Civil Protection Department Malta hekk kif l-operazzjoni tkompli.
Facebook / Civil Protection Malta
