Ixxerja

Id-Djoċesi ta’ Għawdex ingħaqdet mal-Knisja Universali biex tfakkar l-ewwel anniversarju mill-ħatra ta’ Papa Ljun XIV bħala Suċċessur ta’ San Pietru. F’messaġġ li xxandar fuq il-midja soċjali, id-Djoċesi fissret dan il-jum bħala wieħed ta’ ferħ u ringrazzjament lil Alla għad-“don tal-Qdusija Tiegħu Ljun XIV”.

Id-Djoċesi fakkret ukoll fil-kliem ta’ Santa Katarina ta’ Siena li kienet issejjaħ lill-Papa “Kristu ħelu fuq din l-art”, filwaqt li enfasizzat id-dmir tal-Kattoliċi li jagħtu widen għall-kelma tal-Papa, speċjalment għas-sejħat tiegħu favur il-paċi u s-solidarjetà bejn il-bnedmin.

Il-messaġġ kompla billi fakkar li l-elezzjoni ta’ Papa Ljun XIV seħħet proprju fit-Tifkira tal-Madonna tar-Rużarju ta’ Pompej, ċirkostanza deskritta bħala providenzjali, u għalhekk afdawh fl-interċessjoni tal-Omm tas-Sema kif ukoll tal-missier spiritwali tiegħu Santu Wistin.

Diversi persuni ngħaqdu mal-messaġġ tad-Djoċesi biex jawguraw lill-Papa aktar snin ta’ tmexxija spiritwali u talb għall-missjoni tiegħu fil-Knisja Kattolika.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Anqas Leħqitu Lest…” – Stephen Schembri Jfakkar Lil Ommu B’Messaġġ Mill-Qalb Hekk Kif Ninsabu Viċin Jum L-Omm

Emil Calleja Bayliss Illum

Stephen Schembri qasam messaġġ emozzjonanti u mimli nostalġija fuq il-midja soċjali hekk kif irrifletta fuq il-vjaġġ tiegħu fid-dinja tal-fjuri u fuq memorja għażiża marbuta ma’ ommu. Fil-post tiegħu, Stephen irrakkonta kif 10 snin ilu beda mill-bitħa tan-nanniet tiegħu mdawwar bl-ortensji u l-fjuri, filwaqt li tliet snin ilu fetaħ il-ħanut tiegħu stess. Huwa stqarr kemm iż-żmien […]