Ixxerja

Stephen Schembri qasam messaġġ emozzjonanti u mimli nostalġija fuq il-midja soċjali hekk kif irrifletta fuq il-vjaġġ tiegħu fid-dinja tal-fjuri u fuq memorja għażiża marbuta ma’ ommu.

Fil-post tiegħu, Stephen irrakkonta kif 10 snin ilu beda mill-bitħa tan-nanniet tiegħu mdawwar bl-ortensji u l-fjuri, filwaqt li tliet snin ilu fetaħ il-ħanut tiegħu stess. Huwa stqarr kemm iż-żmien jgħaddi malajr, filwaqt li qasam ritratt tal-bidu tal-ħanut meta dan kien għadu mhux lest, iżda diġà kien spazju speċjali għalih u għall-kollegi tiegħu.

Stephen ftakar ukoll f’mument emozzjonanti ma’ ommu, meta kienet marret tara l-ħanut u qaltlu, “Prosit ibni, xi ġmiel għamilt.” Huwa qalilha li dak kien għadu biss il-bidu u li kien għad fadallu ħafna x’jagħmel biex il-post ikun komplut.

B’dispjaċir stqarr li ommu ma laħqitx rat il-ħanut lest kompletament, xi ħaġa li għadha tweġġgħu sal-lum. Madankollu, qal li jħossha miegħu kull ħin, kull mument u kull jum.

Fi tmiem il-messaġġ tiegħu, Stephen enfasizza kemm Jum l-Omm jibqa’ wieħed speċjali ħafna għalih, filwaqt li bagħat tislima sentimentali lil ommu, “Bezzjoni MA.”

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

David Attenborough – Il-Vuċi Kalma U Familjari Wara Bosta Dokumentarji Dwar In-Natura Jagħlaq 100 Sena

Emil Calleja Bayliss Illum

David Attenborough, il-vuċi kalma u familjari wara bosta dokumentarji dwar in-natura, illum għalaq 100 sena. Attenborough huwa meqjus bħala wieħed mill-aktar xandara u naturalisti rispettati fid-dinja, hekk kif matul aktar minn seba’ deċennji rnexxielu jqarrab miljuni ta’ nies lejn id-dinja affaxxinanti tal-annimali u n-natura. Imwieled fit-8 ta’ Mejju 1926, l-imħabba tiegħu lejn in-natura bdiet minn […]