Id-daħk u l-avventuri fi ħdan One Star Hotel reġgħu lura hekk kif it-tieni staġun tas-sensiela kummiedja popolari qed jerġa’ jixxandar fuq l-iskrins, fejn wieħed se jerġa’ jara l-karattri li kisbu l-imħabba tat-telespettaturi.
Karl u Romina Bonaci jerġgħu jidħlu fir-rwoli tal-lukandiera Maurizio u Flavia, koppja li matul is-sensiela ssib ruħha f’għadd ta’ sitwazzjonijiet umoristiċi u imprevedibbli li jżommu lit-telespettaturi mwaħħlin mal-iskrin.
Magħhom jingħaqdu wkoll George Micallef, Hector Bruno, Mario Micallef, Maryanne Muscat u Mary Grech, li permezz tal-karattri tagħhom iwasslu aktar kummiedja, kaos u mumenti memorabbli li jagħmlu s-sensiela adattata għall-familja kollha.
It-tieni staġun iwiegħed ġurnata sħiħa ta’ divertiment, sorpriżi u daħk kontinwu, hekk kif il-mistednin u r-residenti tal-lukanda jibqgħu jsibu ruħhom f’sitwazzjonijiet dejjem aktar strambi u divertenti.
One Star Hotel – Season Two qed jixxandar esklussivament fuq F Living Channel, b’maratona ta’ episodji li tibda mis-12:30 u tibqa’ għaddejja sal-23:00.
Inti se tkun qed issegwi l-avventuri ġodda ta’ Maurizio, Flavia u l-bqija tal-karattri?
Facebook / F Living
