Ixxerja

Nhar il-Ġimgħa 19 ta’ Ġunju 2026, żewġ seminaristi Għawdxin se jagħmlu pass importanti fil-mixja tagħhom lejn is-saċerdozju hekk kif se jirċievu l-Ordinazzjoni Djakonali fil-Katidral tal-Assunta fir-Rabat, Għawdex.

Iċ-ċelebrazzjoni se tibda fis-18:30 u se tkun immexxija minn Mons. Anton Teuma, Isqof ta’ Għawdex.

Is-seminaristi li se jiġu ordnati djakni huma Anthony Joe Borg mill-Parroċċa tat-Twelid ta’ Marija fix-Xagħra u Fabio Cini mill-Parroċċa ta’ Marija Mtellgħa s-Sema fiż-Żebbuġ.

L-Ordinazzjoni Djakonali hija pass sinifikanti fil-formazzjoni ta’ dawk li qed iħejju ruħhom għas-saċerdozju, hekk kif id-djakni huma msejħa biex jaqdu lill-Knisja permezz tal-ministeru tal-Kelma, tal-Liturġija u tal-karità.

Dawk li ma jkunux jistgħu jattendu għaċ-ċelebrazzjoni fil-Katidral se jkollhom l-opportunità jsegwuha direttament permezz tal-paġni soċjali tad-Djoċesi ta’ Għawdex kif ukoll fuq UTV.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Bro David Jibda T-Tieni Mandat Tiegħu Bħala Pirjol Fil-Komunità Tal-Patrijiet Ta’ Birkirkara

Eileen Cumbo Salerno Illum

Il-komunità tal-Kunvent ta’ Santa Tereża ħabbret li Bro David beda t-tieni mandat tiegħu bħala Pirjol tal-komunità tal-patrijiet f’Birkirkara. F’messaġġ li xerrdet fuq il-midja soċjali, il-komunità awguratlu għall-ħidma tiegħu u rringrazzjatu għas-servizz li jagħti. Il-messaġġ wassal ukoll riflessjoni dwar il-vokazzjonijiet reliġjużi u saċerdotali. Il-komunità osservat li llum il-ġurnata huma inqas iż-żgħażagħ li jagħżlu din it-triq u […]