Ixxerja

Il-kantanta Maltija Ira Losco qasmet ħsibijiet sinċieri dwar il-karriera tagħha fil-mużika u kif din bidlitilha ħajjitha matul is-snin.

F’kitba li tellgħet fuq il-midja soċjali, Ira spjegat li waħda mill-isbaħ affarijiet dwar il-mużika hija l-mod kif twasslek tagħmel affarijiet li qatt ma tkun qed tistenna. Hija qalet li l-mużika ħaditha f’diversi pajjiżi madwar id-dinja u fetħitilha bibien li qatt ma kienet timmaġina li jinfetħu għaliha.

Fl-istess messaġġ, Ira qalet li tħossha ispirata meta tara l-ġenerazzjoni l-ġdida ta’ mużiċisti Maltin. Hija spjegat li tieħu gost tara x’qed jiksbu l-artisti żgħażagħ tal-lum u kemm illum jeżistu opportunitajiet li fi żmienha ma kinux disponibbli.Madankollu, hija osservat ukoll li flimkien ma’ dawn l-opportunitajiet ġodda jiġu sfidi differenti minn dawk li l-artisti kienu jiffaċċjaw fil-passat.

Ira temmet il-messaġġ tagħha billi sostniet, “l-akbar rigal li stajt tirċievi mill-mużika huwa l-konnessjoni man-nies u l-memorji sbieħ warajhom.”

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Bro David Jibda T-Tieni Mandat Tiegħu Bħala Pirjol Fil-Komunità Tal-Patrijiet Ta’ Birkirkara

Eileen Cumbo Salerno Illum

Il-komunità tal-Kunvent ta’ Santa Tereża ħabbret li Bro David beda t-tieni mandat tiegħu bħala Pirjol tal-komunità tal-patrijiet f’Birkirkara. F’messaġġ li xerrdet fuq il-midja soċjali, il-komunità awguratlu għall-ħidma tiegħu u rringrazzjatu għas-servizz li jagħti. Il-messaġġ wassal ukoll riflessjoni dwar il-vokazzjonijiet reliġjużi u saċerdotali. Il-komunità osservat li llum il-ġurnata huma inqas iż-żgħażagħ li jagħżlu din it-triq u […]