Bil-wasla ta’ Ġunju, ħafna jibdew iħarsu ’l quddiem lejn il-ġranet xemxin, il-baħar u l-atmosfera tipika tas-sajf Malti. Skont il-paġna It-Temp Madwarna, dan ix-xahar mhux biss iġib miegħu temp aktar sħun, iżda huwa wkoll mimli b’avvenimenti u okkażjonijiet importanti.
Fost l-aktar dati sinifikanti nsibu s-7 ta’ Ġunju, festa nazzjonali li tfakkar avveniment importanti fl-istorja ta’ Malta. Aktar tard fix-xahar, fid-29 ta’ Ġunju, niċċelebraw il-festa tal-Imnarja, waħda mill-eqdem tradizzjonijiet Maltin. Dan ix-xahar jinkludi wkoll Jum il-Missier, li din is-sena se jiġi ċċelebrat fil-21 ta’ Ġunju, jum speċjali ddedikat lill-missirijiet u l-figuri paterni.
Minn aspett meteoroloġiku, Ġunju jimmarka wkoll il-bidu uffiċjali tas-sajf. Il-ġranet ikomplu jitwalu, it-temperaturi jibdew jogħlew b’mod aktar konsistenti u l-ilmijiet tal-baħar jisħnu dejjem aktar u jagħmlu dan iż-żmien ideali għal min iħobb iqatta’ l-ħin barra.Barra minn hekk, l-indiċi UV jilħaq fost l-ogħla livelli tas-sena u b’hekk huwa importanti li wieħed jieħu l-prekawzjonijiet meħtieġa meta jkun espost għax-xemx.
Dan ix-xahar huwa wkoll misjub li jagħlaq bil-qamar kwinta magħruf bħala l-iStrawberry Moon.Bla dubju, Ġunju huwa xahar li jġib miegħu taħlita sabiħa ta’ tradizzjonijiet, festi, ġranet sbieħ u fuq kollox l-ewwel togħma vera tas-sajf Malti.
Fb/ It-temp madwarna & Pexels
