Ixxerja

L-Ispettur Alfredo Mangion ġie onorat bil-‘Ġieħ taż-Żurrieq’ mill-Kunsill Lokali taż-Żurrieq bħala rikonoxximent għall-intervent immedjat tiegħu f’każ ta’ serq mill-knisja tal-lokalità, minkejja li dak il-ħin ma kienx qed jaqdi dmirijietu.

Skont messaġġ ippubblikat mill-Malta Police Force, l-Ispettur Mangion kien barra l-ħin tax-xogħol meta ġie infurmat li numru ta’ oġġetti kienu nsterqu minn ġewwa l-knisja taż-Żurrieq. Minkejja li ma kienx fuq xogħol dak il-ħin, huwa aġixxa minnufih, fittex lill-persuna involuta u wettaq arrest mingħajr dewmien.

Il-Korp tal-Pulizija sostna li dan l-unur jirrifletti d-dedikazzjoni u l-impenn li ħafna uffiċjali juru lejn il-komunità, anke meta ma jkunux uffiċjalment fuq xogħol.

Fil-messaġġ tiegħu, il-Korp feraħ lill-Ispettur Mangion għal dan ir-rikonoxximent, filwaqt li faħħar din l-azzjoni deċiżiva tiegħu.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Erba’ Snin Minn Meta Ħalliena ‘Il-Lullu’ – Figura Maħbuba Fil-Futbol Malti

Eileen Cumbo Salerno Illum

Illum jagħlqu erba’ snin minn meta Mark Piscopo, magħruf minn ħafna bħala ‘Il-Lullu’, li ħalla din id-dinja fl-10 ta’ Ġunju 2022 fl-età ta’ 52 sena wara marda twila. Kien persuna stmata ħafna fil-futbol Malti. Il-paġna Malta and International Football Collection, kitbet messaġġ li fakkar il-ħidma u d-dedikazzjoni tiegħu lejn il-futbol Malti. Piscopo kien serva bħala Kit […]