Francília Costa u Luiza Silvério ltaqgħu għall-ewwel darba f’kunvent fl-2019, fejn it-tnejn kienu qed jitħarrġu biex isiru sorijiet. Madankollu, l-bidu tar-relazzjoni tagħhom ma kienx wieħed faċli, hekk kif it-tnejn stqarru li ma kienux jifilħu lil xulxin meta ltaqgħu għall-ewwel darba.
Maż-żmien, il-ħbiberija tagħhom kibret. Fl-2020 iddeċidew li jħallu l-ħajja reliġjuża u komplew jgħixu flimkien barra l-kunvent. Kien biss wara ftit snin li rrealizzaw li s-sentimenti tagħhom lejn xulxin kienu aktar minn dawk ta’ sempliċi ħbiberija.
Illum il-ġurnata huma żżewġu u qed ikomplu jaqsmu l-esperjenzi tagħhom dwar il-fidi, l-imħabba u l-identità tagħhom. It-tnejn jgħidu li ma jaraw l-ebda kunflitt bejn il-fidi u r-relazzjoni tagħhom, u jittamaw li l-istorja tagħhom tispira lil oħrajn biex jgħixu b’mod aktar awtentiku.
