Ixxerja

Kezman hu żagħżugħ ottimist u enerġetiku ta’ 16-il sena li ma jħallix il-fatt li hu nieqes mid-dawl t’għajnejh iwaqqfu milli jwettaq il-ħolm tiegħu. Fil-fatt, hu jaspira li jibni karriera fit-turiżmu.

Hekk kif bħalissa għaddejja ġmielha maratona ġbir ta’ fondi tal-Malta Trust Foundation, Kezman tkellem dwar kif nuċċali li ngħata bidillu ħajtu mil-lejl għan-nhar.

Kezman isemmi kif dan in-nuċċali jiggwidah ta’ kuljum meta jkun miexi billi jindikalu meta jkun hemm xi persuna jew oġġett quddiemu.

Iż-żagħżugħ ta’ 16-il sena jfisser kif permezz ta’ dan in-nuċċali hu jista’ jkompli b’ħajtub bit-tama li l-ħolma tiegħu ssir realtà u jibda jaħdem fl-industrija tat-turiżmu, kif tant jixtieq.

F’dan l-isfond, hu ħeġġeġ lil kulħadd sabiex jagħti l-għajnuna tiegħu lill-Malta Trust Foundation ħalli għadd ta’ persuni oħrajn ikunu jistgħu megħjuna.

Prosit, Kezman!

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Iċċedi Biċċa Mill-Victoria Lines F’Wied Il-Faħam

Gabriella Borg Illum

Fuq il-paġna Friends of The Victoria Lines Trail, tħabbar li ċediet parti mill-Victoria Lines, u sar appell għal tiswija urġenti. Huma spjegaw, “Iċċedi biċċa mill-Victoria Lines f’Wied il-Faħam. Sfortunatament ikollna nirrapurtaw li ċediet biċċa mis-sezzjoni tal-Victoria Lines fil-Madliena, in-naħa ta’ Wied il-Faħam. Il-lokazzjoni hi 35.930986, 14.456512.” Żiedu jgħidu, “Irrapurtajna dan lid-Dipartiment tar-Restorazzjoni u Preservazzjoni fil-Ministeru […]