Ixxerja

Nawguraw l-isbaħ xewqat lil Patri Alexander Cauchi OSA li llum qed jiċċelebra għeluq sninu.

Patri Alexander Cauchi twieled f’San Ġiljan fis-16 ta’ Ġunju 1971. Wara li għamel is-sena tan-Novizzjat f’Tolentino, l-Italja, huwa għamel l-ewwel professjoni tiegħu fil-familja Agostinjana fit-13 ta’ Settembru 1991. Aktar tard, fit-13 ta’ Novembru 1994, għamel il-Professjoni Solenni.

Huwa ġie ordnat saċerdot fit-18 ta’ Ottubru 1996 u matul is-snin serva f’diversi realtajiet pastorali Agostinjani madwar Malta. Fosthom insibu l-ħidma tiegħu fir-Rabat, Ħal Tarxien u fil-Kulleġġ Santu Wistin. Għal diversi snin serva wkoll fil-Komunità Agostinjana tal-Belt Valletta. Illum, Patri Alexander qed jaqdi l-ministeru tiegħu bħala Kappillan tal-Parroċċa ta’ Santu Wistin fil-Belt Valletta.

Fl-okkażjoni ta’ għeluq sninu, nawgurawlu saħħa, paċi u ħafna snin oħra ta’ servizz fil-ħidma pastorali tiegħu. 

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

L-Imqabba Tħejji Rekord Nazzjonali Ġdid Fil-Piroteknika

Eileen Cumbo Salerno Illum

Illum waranofsinhar, it-tim ta’ The Malta Records kien mistieden fl-għelieqi tal-Imqabba biex isir l-għadd u l-kejl uffiċjali ta’ rekord relatat mal-piroteknika. Ir-rekord jikkonsisti fl-ikbar tapit tan-nar tal-art li qatt inħadem f’Malta, bl-akbar numru ta’ universals. Skont l-organizzaturi, dan ir-rekord nazzjonali mistenni jinħaraq waqt l-għeluq tal-ispettaklu tan-nar tal-ajru lejlet il-festa tal-Madonna tal-Ġilju, organizzata mill-Għaqda tan-Nar Madonna tal-Ġilju fi ħdan […]