Ixxerja

Sitt ġriewi li aktar kmieni dan ix-xahar ġew salvati mill-MSPCA, mill-Marsa Golf Club, issa jinsabu lesti biex isibu familji ġodda li joffrulhom dar għal dejjem. Minħabba minn fejn instabu, dawn il-ġriewi ngħataw il-laqam ta’ “Golf Course Pups”.

L-ewwel ġimgħat ta’ ħajjithom ma kinux faċli, hekk kif ħafna minnhom kienu infestati bil-briegħed u l-qurdien. Madankollu, grazzi għad-dedikazzjoni tal-voluntiera tal-MSPCA, il-ġriewi rċevew il-kura meħtieġa u llum jinsabu f’saħħithom u lesti biex jibdew kapitlu ġdid.

Fi stqarrija fuq il-midja soċjali, l-MSPCA introduċiet lill-ġriewi Gus, Lowry, Par, Mulligan, Tiger u Seve, li llum għandhom tmien ġimgħat. L-organizzazzjoni spjegat li huma qattgħu ħajjithom kollha flimkien, jilagħbu, jieklu u jorqdu maġenb xulxin, filwaqt li kellhom l-aqwa bidu possibbli grazzi għall-kura ta’ ommhom u missierhom.

Issa, iżda, wasal iż-żmien li kull wieħed minnhom isib familja tiegħu stess. L-MSPCA appellat lill-pubbliku biex jgħin sabiex dawn il-ġriewi jsibu djar mimlijin imħabba u ma jispiċċawx iqattgħu ħajjithom f’xelter. Kull min qed ifittex membru ġdid għall-familja tiegħu jista’ jkun li jsib il-ħabib perfett fost dawn il-ġriewi.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Issa

Koppja Żagħżugħa Li Ltaqgħu Flimkien Fil-Post-Sekondarja Jiggradwaw Flimkien Bħala Tobba

Cristian Tonna Illum

Tristan u Maya ltaqgħu flimkien ftit snin ilu meta t-tnejn li huma kienu għaddejjin bl-istudji tagħhom fuq livell post-sekondarju. Sal-lum il-ġurnata, il-koppja żagħżugħa flimkien attendew fl-istess kors bl-ambizzjoni li jsiru tobba, u proprju ftit jiem ilu, din il-ħolma saret realtà. F’filmat emozzjonanti li huma tellgħu fuq il-midja soċjali u li laħaq eluf ta’ segwaċi, Tristan […]